Wir oiden Leit
Mir ghean hoit scho zur Retrozeit,
do gspiat mas in de Fiaß.
Des Schunkeln owa geht no gscheit,
am Bestn geht´s beim Hias.
Mir san für´d Jugend es Oitatum,
a de buckeln und erna Kreiz wird krumm.
Owa ans des sog i eich is gwiss,
das des oiweu scho so, und a des Gleiche is.
Mir san hoit scho a Rarität,
do tuat ams Kreiz g´scheit weh.
Waunn des net oiweu zwacken tät,
kunnts am vü bessa geh.
Mir mochn afoch es Beste draus,
des wor doch oiweu scho a so.
Wer wü denn den bledn Frust im Haus?
Do bleim ma liawa froh.
(© E.Maria K.)
